Nvidia dhe Deutsche Telekom pritet të bashkëpunojnë në ndërtimin e një qendre të re të dhënash në Mynih, Gjermani, si pjesë e një investimi të përbashkët që kap vlerën prej rreth 1 miliard eurosh (1.2 miliardë dollarë).
Sipas raportimeve, projekti do të ketë si klient kryesor kompaninë e njohur të softuerëve SAP, megjithëse ende nuk janë zbuluar detaje mbi madhësinë, kapacitetin apo vendndodhjen e saktë të objektit.
Ky zhvillim vjen pas njoftimeve të mëparshme se Deutsche Telekom dhe Nvidia po punojnë së bashku për të krijuar cloud-in e parë industrial të inteligjencës artificiale në Evropë, i cili pritet të nisë funksionimin në vitin 2026. Ende mbetet e paqartë nëse ky projekt është i njëjtë me atë të përmendur në raportin e fundit. /Gjurmuesi/
