Në Klinikën e Kirurgjisë Torakale në Qendrën Klinike Universitare të Kosovës është kryer me sukses një operacion kompleks për heqjen e një tumori të madh mediastinal, me madhësi rreth 16 centimetra.
Pacientja, e lindur në vitin 1956, ishte diagnostikuar me një masë tumorale që ndodhej midis mushkërive dhe shumë pranë strukturave jetike të kraharorit, gjë që e bënte ndërhyrjen tepër të ndërlikuar dhe me rrezik të lartë.
Sipas njoftimit të QKUK-së, ekipi i mjekëve torakal, në bashkëpunim me specialistët e Anestezionit dhe stafin mbështetës, realizoi operacionin me sukses të plotë. Tumori u hoq në tërësi, ndërsa pacientja aktualisht ndodhet në gjendje stabile dhe nën kujdesin e vazhdueshëm të stafit mjekësor. /Gjurmuesi/
