Me afrimin e festave dhe sezonit të pushimeve, diaspora ka filluar të kthehet në Kosovë, duke shkaktuar pritje të gjata në disa pika kufitare.
Sipas statistikave të Qendrës Kombëtare për Menaxhim Kufitar, në pikëkalimin e Merdarës, udhëtarët presin deri në një orë për të hyrë në Kosovë, ndërsa për të dalë pritjet arrijnë deri në 40 minuta.
Në Jarinje pritjet janë më të gjata, duke arritur deri në dy orë për hyrje, ndërsa për dalje koha e pritjes shkon nga 10 deri në 15 minuta. Një tjetër pikë e ngarkuar është Dheu i Bardhë, ku mërgimtarët presin deri në 50 minuta për t’u rikthyer në vend.
