Presidentja e Kosovës, Vjosa Osmani, ka njoftuar se ka dorëzuar në Kuvend amendamentet kushtetuese që mund të hapin rrugën për zgjedhje të drejtpërdrejta të Presidentit. Ky veprim vjen pas një serie dështimesh në përpjekjet për zgjedhjen e kreut të shtetit përmes procedurave aktuale.
Amendamentet në fjalë janë hartuar fillimisht nga Komisioni për amendamentimin e Kushtetutës në vitin 2011, por nuk ishin proceduar deri tani. Presidentja Osmani i ka bërë thirrje të gjitha partive politike të mbështesin këto ndryshime.
“I ftoj të gjitha partitë politike që të votojnë këto amendamente kushtetuese. Tash e tutje, le të flasë populli!” – ka shkruar Osmani në njoftimin e saj.
