Luljeta Mehmeti-Quigley, një nga pionieret e Policisë së Kosovës dhe e para femër që u promovua në gradën e rreshterit që nga themelimi i institucionit, ka arritur një tjetër sukses të jashtëzakonshëm në karrierën e saj. Ajo është diplomuar së fundmi në Akademinë Kombëtare të FBI-së, duke shtuar kështu një arritje të madhe në karrierën e saj ndërkombëtare.
Mehmeti-Quigley iu bashkua Policisë së Kosovës në vitin 2000, vetëm një vit pas themelimit të saj, dhe shënoi një karrierë të suksesshme në pozita komanduese përpara se të zhvendosej në Mbretërinë e Bashkuar. Në vitin 2013, ajo u rikthye në Kosovë për të vazhduar shërbimin në Polici, dhe tani përfundimi i Akademisë së FBI-së është një arritje që e vendos atë në një nivel të lartë profesional.
Në ceremoninë e diplomimit të Sesionit 296 të Akademisë Kombëtare të FBI-së, Mehmeti-Quigley e përshkroi këtë përvojë si një “moment jetësor” dhe shprehu krenarinë që është diplomuar në FBI.
Kjo arritje është vlerësuar edhe nga Shoqata Amerikane-Shqiptare e Zbatimit të Ligjit (AALEA), e cila e konsideron si një moment të jashtëzakonshëm dhe një hap të rëndësishëm për gratë kosovare në sektorin e sigurisë. Në një postim, AALEA thekson se kjo është një “moment krenarie për komunitetin dhe për të gjitha gratë në zbatimin e ligjit, duke thyer barrierat dhe duke frymëzuar breza të tërë”. /Gjurmuesi/
