Ministri i Punëve të Jashtme i Greqisë, George Gerapetritis, do të nisë një seri vizitash në vendet e Ballkanit Perëndimor, ku përfshihet edhe Kosova.
Sipas raportimeve, vizitat e tij lidhen me përgatitjet për iniciativat që Greqia planifikon të ndërmarrë për Ballkanin Perëndimor para marrjes së presidencës së Këshillit të BE-së në gjysmën e dytë të vitit 2027.
Po ashtu, burimet diplomatike bëjnë të ditur se zyrtarë grekë dhe turq janë në kontakt për të përcaktuar datat për sesionin e radhës të Këshillit të Nivelit të Lartë për Bashkëpunim Greqi-Turqi, i cili pritet të mbahet pa dyshim në çerekun e parë të vitit 2026. /Gjurmuesi/
