Një ngjarje e rëndë ka ndodhur gjatë natës në dalje të autostradës në Bresje, Fushë Kosovë, ku një aksident trafiku ka rezultuar me humbje jete. Autoritetet kanë konfirmuar se bëhet fjalë për një rast fataliteti.
Sipas informacionit të bërë të ditur nga Policia, përplasja është regjistruar rreth orës 01:00, në rrethana që ende po hetohen.
Viktimë e këtij aksidenti është identifikuar Mentor Zmajlaj, rreth 30 vjeç, i cili nuk ka arritur t’u mbijetojë lëndimeve.
Familjarët kanë njoftuar se varrimi i të ndjerit do të bëhet nesër, në ora 14:00, në varrezat te tranziti në Suharekë. /Gjurmuesi/
