Ministri i Mbrojtjes së Kosovës, Ejup Maqedonci, ka reaguar ndaj deklaratave të ish-shefit të Shërbimit Sekret Serb (BIA), Aleksandër Vulin, duke theksuar se kërcënime të tilla nuk ndikojnë në qëndrimin dhe sigurinë e vendit.
Sipas tij, institucionet e Kosovës kanë punuar vazhdimisht në forcimin e kapaciteteve mbrojtëse, me qëllim që të garantojnë sigurinë e territorit dhe të qytetarëve.
Ai tha se politika e Serbisë, si politikë e gjenocidit, është pjesë përbërëse e politikës së saj.
“Kemi ndërtuar kapacitetet tona dhe kemi forcuar mbrojtjen e Kosovës, duke synuar të mbrojmë territorin e vendit dhe jetët e qytetarëve. Në asnjë rast nuk përfshihemi në veprime sulmuese, por fokusohemi në modernizimin dhe fuqizimin e kapaciteteve mbrojtëse”, tha ai.
