Një ngjarje e rëndë është regjistruar sot në fshatin Sllatinë të Fushë Kosovës, ku një person ka mbetur i plagosur rëndë si pasojë e një sulmi të dhunshëm.
Sipas informacioneve, viktima është goditur me thikë dhe njëkohësisht ka pësuar edhe lëndime serioze në kokë. Për shkak të gjendjes së rënduar shëndetësore, ai është dërguar me urgjencë për trajtim në Qendrën Klinike Universitare të Kosovës.
Lidhur me gjendjen e pacientit, mjeku kujdestar Ejup Govori ka bërë të ditur detaje mbi trajtimin e tij.
“Gjendja e tij është e rëndë. Përveç që është therur me thikë, ai po ashtu ka lëndime të rënda në kokë. I është nënshtruar një ndërhyrjeje kirurgjike dhe jemi në pritje për ta dërguar në Mjekimin Intensiv Qendror”.
