Një prift nga Portugalia po sfidon normat tradicionale të Kishës duke kombinuar misionin fetar me pasionin për muzikën elektronike. Guilherme Peixoto po udhëton në Amerikën Latine, duke dhënë performanca në klube të mbushura me adhurues nga Kolumbia deri në Meksikë.
Set-et e tij muzikore përziejnë ritme energjike me imazhe dhe simbole fetare, përfshirë Papa Françeskun dhe Virgjërën e Guadalupe, duke synuar një audiencë më të re, ndërsa Kisha përballet me rënie të numrit të besimtarëve.
Pas performancave që zgjasin deri në orën 2 të mëngjesit, Peixoto kthehet në kishë herët në mëngjes për të kremtuar meshën. “Është çështje balanci”, thotë ai, duke treguar se arrin të bashkojë dy botë shumë të ndryshme në jetën e tij. /Gjurmuesi/
