Një 95-vjeçar nga Teksasi ka thyer një rekord botëror, duke u shpallur zyrtarisht si shoferi më i vjetër aktiv i autobusit. Emri i tij tashmë figuron në librin e rekordeve Guinness, pas verifikimit të moshës dhe punës së tij shumëvjeçare.
Raymond Hager nga Wichita Falls u certifikua nga Guinness në moshën 94 vjeç e 176 ditë, duke konfirmuar statusin e tij si shofer autobusi ende në detyrë.
“Unë jam shoferi më i vjetër i autobusit në botë”, ka deklaruar Hager.
Ai tregon se nisi të drejtonte automjete në moshën 14-vjeçare dhe shumë shpejt e kuptoi se kishte pasion për drejtimin e mjeteve të mëdha.
Hager i është bashkuar kompanisë së transportit publik Falls Ride rreth 27 vite më parë, duke mbetur pjesë aktive e rrjetit të autobusëve të qytetit.
Fillimisht kishte menduar të pensionohej në moshën 95-vjeçare, por tani thotë se do të vazhdojë të drejtojë për aq kohë sa ta lejojë shëndeti.
Qyteti i Wichita Falls ka nderuar arritjen e tij duke shpallur 18 nëntorin si “Dita e Raymond Hager”.
“Mirësi. Krenari. Krenar. Mirënjohës që isha bekuar. Djali i vogël fshatar që arriti diçka të tillë”, ka thënë Hager me emocion. /Gjurmuesi/
