Tre persona nga fshati Astrazub i Malishevës janë ndaluar nga Policia e Kosovës për dyshimin e kryerjes së gjuetisë së paligjshme dhe mbajtjes së armëve pa leje. Arrestimi u bë pas verifikimit të fotove të publikuara nga të dyshuarit në rrjetet sociale, ku shfaqeshin kafshë të vrara.
Sipas raportit të policisë, të ndaluarit u shoqëruan në stacionin policor për intervistim dhe me urdhër të prokurorit u sekuestruan tri pushkë gjuetie.
Pas përfundimit të procedurës hetimore fillestare, personat e dyshuar u liruan në procedurë të rregullt, ndërsa hetimet për rastin do të vazhdojnë sipas ligjit. /Gjurmuesi/
