Përfaqësuesi i Kosovës në sulm, Vedat Muriqi, ka paralajmëruar një ndeshje tepër sfiduese kundër Sllovenisë, duke theksuar se kundërshtarët do të hyjnë në fushë me imperativin e fitores. Megjithatë, ai mbetet optimist se Kosova mund t’i marrë dy fitore radhazi dhe të sigurojë një vend në Kupën e Botës 2026.
Në paraqitjen e tij para mediave, Muriqi theksoi se sfida e radhës është edhe më e rëndë se ajo e luajtur në Prishtinë, por besimi i tij te grupi dhe mundësia për të luftuar për pozitat kryesore mbetet i pandryshuar.
Ai shtoi se Kosova synon jo vetëm ta mbyllë çështjen e plejofit, por edhe të garojë për kualifikim të drejtpërdrejtë, në varësi të rezultateve që do të vijnë nga përballja me Zvicrën. /Gjurmuesi/
