Një ditë pas fitores bindëse të Inter Miamit në MLS, Leo Messi është rikthyer për pak orë në qytetin që e ka shënjuar më shumë se çdo tjetër në karrierën e tij: Barcelonë. Ylli argjentinas vizitoi Camp Nou, një vend që ai vazhdon ta quajë shtëpi emocionale.
Messi ndau momentin me ndjekësit e tij në Instagram, duke e përshkruar rikthimin si tejet të veçantë dhe plot mall. Ai u shpreh se shpreson që një ditë të kthehet sërish aty, kësaj here për një lamtumirë të vërtetë para tifozëve, gjë që nuk pati mundësi ta bënte kur u largua për shkak të krizës financiare të klubit.
Vizita e fundit e Messit në Camp Nou si lojtar ishte në maj të vitit 2021, kur shënoi golin e tij të fundit me fanellën blaugrana. Më pas, në gusht të po atij viti, ai iu dha lamtumira e dhimbshme në një ceremoni publike.
Rikthimi i tij i fundit në Barcelonë vjen në një moment kur stadiumi është në proces rinovimi, ndërsa presidenti i klubit e ka shprehur hapur dëshirën që Messi të jetë pjesë e rihapjes së Spotify Camp Nou. Në këtë udhëtim të shkurtër, argjentinasi pati mundësi ta përjetojë atmosferën e stadiumit të mbushur me tifozë dhe të shohë nga afër ecurinë e punimeve.
Pas kësaj vizite emocionale, Messi do t’i bashkohet Kombëtares së Argjentinës për ndeshjen miqësore ndaj Angolës, por për katalanasit dhe për vetë Mesin, lidhja me Barcelonën mbetet e pathyeshme. /Gjurmuesi/
