Presidenti amerikan, Donald Trump, ka njoftuar se nëntë vende kanë rënë dakord për një paketë të përbashkët ndihme prej 7 miliardë dollarësh për rindërtimin e Gazës.
Shtetet që kanë bërë këtë zotim janë Kazakistani, Azerbajxhani, Emiratet e Bashkuara Arabe, Maroku, Bahrejni, Katari, Arabia Saudite, Uzbekistani dhe Kuvajti.
“Për çdo dollar të shpenzuar, është një investim në stabilitet dhe shpresë për një rajon të ri e në harmoni”, deklaroi Trumpi.
Kjo shumë përfaqëson vetëm një pjesë të paketës së madhe prej 70 miliardë dollarësh, e cila është parashikuar për të rindërtuar territorin palestinez pas dy vjetësh luftimesh.
Gjithashtu, në emër të SHBA-së, Trumpi ka zotuar edhe 10 miliardë dollarë për Bordin e Paqes.
