Arian Tahiri, kandidati për kryetar të Mitrovicës së Jugut nga PDK-ja, ka thënë se gjithmonë ka qenë dhe do të jetë pranë qytetarëve të komunës ku po kandidon.
Në emisionin “Jehona Politike” në Klan Kosova, ai theksoi se fushatën për raundin e dytë të zgjedhjeve lokale do ta vazhdojë së bashku me mitrovicasit dhe Bedri Hamzën, ish-kandidatin për kryeministër nga PDK-ja në zgjedhjet nacionale të 9 shkurtit.
“Unë kam qenë në krah me qytetarët e Mitrovicës. Forca më e madhe janë qytetarët e Mitrovicës. Vetëm në krah me qytetarët”, tha Tahiri.
“Do ta vazhdoj fushatën me kryetarin Bedri Hamza dhe me secilin person të respektuar”, shtoi ai.
