Pas një ngjarjeje tragjike me të shtëna në Universitetin Brown, në të cilën humbën jetën dy persona, Presidenti Donald Trump ka vendosur pezullimin e programit të lotarisë për kartën e gjelbër në SHBA.
I dyshuari për sulmin, një shtetas portughez, u gjet i vdekur të enjten. Ai kishte hyrë në SHBA nëpërmjet programit të vizave të diversitetit (DV1) në vitin 2017 dhe kishte marrë kartën e gjelbër.
Sekretarja e Sigurisë Kombëtare, Kristi Noem, deklaroi se pezullimi i programit është bërë për të “siguruar që asnjë amerikan të mos dëmtohet nga ky program katastrofik”.
Zyrtarët amerikanë besojnë se i dyshuari, 48-vjeçari Claudio Neves Valente, ka vrarë gjithashtu profesorin portugez të Institutit të Teknologjisë në Masaçusets, Nuno Loureiro, më herët gjatë kësaj jave. /Gjurmuesi/
