Pas valës së shtrenjtimit të produkteve ushqimore, tregu në Kosovë po përballet me një tjetër goditje – rritjen e çmimit të mishit. Ky zhvillim po ndikon drejtpërdrejt në buxhetin e familjeve, të cilat tashmë prej vitesh përballen me kosto në rritje.
Të dhënat e Agjencia e Statistikave të Kosovës tregojnë se gjatë vitit të kaluar, çmimi që mishtoret paguajnë për mishin nga fermerët është rritur për 4.5%, një ndryshim që është reflektuar menjëherë edhe tek konsumatorët.
Në një periudhë pesëvjeçare, nga viti 2020 deri në vitin 2025, çmimet e produkteve blegtorale kanë shënuar rritje të përgjithshme prej 53%, duke shtuar shqetësimet për trendin e vazhdueshëm të shtrenjtimit të mishit në vend.
