Një person është ndaluar nga Prokuroria Speciale e Republikës së Kosovës nën dyshimin për përfshirje në vepra penale që lidhen me korrupsionin.
Sipas njoftimit zyrtar, i dyshuari me inicialet V.N. po hetohet për veprat penale “Dhënie e ryshfetit” dhe “Ushtrim i ndikimit”.
“Veprimet janë ndërmarrë pas grumbullimit të informatave dhe provave fillestare, në përputhje me Kodin e Procedurës Penale dhe ligjet në fuqi. Rasti është duke u trajtuar në koordinim me Policinë e Kosovës. Institucionet mbeten të përkushtuara në parandalimin dhe luftimin e korrupsionit”, thuhet në njoftimin e PSRK-së.
