Disa anëtarë të partive politike që kanë qenë pjesë e Komisioneve Komunale Zgjedhore pritet të përballen me organet e rendit, pasi dyshohen për përfshirje në manipulim të votave në favor të kandidatëve për deputetë.
Sipas vendimit përkatës, i cili parasheh fillimisht shkarkimin e tyre nga pozitat që mbanin, këta persona dyshohet se kanë ndërhyrë në mënyrë serioze në procesin zgjedhor.
Në dokument thuhet se veprimet e tyre kanë cenuar rëndë integritetin e zgjedhjeve, duke hapur rrugë për hetime të mëtejshme nga institucionet përgjegjëse.
