Një objekt me rëndësi të veçantë për trashëgiminë kulturore të Gjakovës i është rikthyer funksionalitetit dhe vlerës së tij historike. Shkolla e vjetër e muzikës, e njohur si ish-Mejtepi Ruzhdije, ka përfunduar procesin e restaurimit.
Lajmin e ka bërë të ditur ministri në detyrë i Kulturës, Hajrulla Çeku, i cili ka njoftuar se krahas këtij projekti, edhe punimet në një tjetër monument të rëndësishëm kulturor janë drejt fazës përfundimtare.
Sipas Çekut, restaurimi i kullës së Sylejman Vokshit është pothuajse i përmbyllur, duke shënuar një hap tjetër në ruajtjen e trashëgimisë historike të vendit.
“Angazhim i vazhdueshëm për ruajtjen, mbrojtjen dhe rikthimin e vlerave të trashëgimisë sonë kulturore”, thuhet në njoftim.
