Pas shpërndarjes së Kuvendit, presidentja e Kosovës, Vjosa Osmani, ka zhvilluar një takim me përfaqësuesit e partive politike për të diskutuar lidhur me caktimin e datës së zgjedhjeve të reja parlamentare.
Në këtë takim po marrin pjesë disa nga liderët e opozitës, përfshirë Bedri Hamzën, Lumir Abdixhikun dhe Ramush Haradinajn, të cilët tashmë ndodhen në sallën ku po zhvillohen diskutimet.
Ndërkohë, kryetari i Lëvizjes Vetëvendosje, Albin Kurti, nuk është bërë pjesë e këtij takimi, megjithëse ndodhet në afërsi.
Ai aktualisht është i pranishëm në një ekspozitë që po mbahet në Kuvend.
