Ish-presidenti francez, Nicolas Sarkozy, do të përfitojë lirimin nga burgu dhe do të mund të vuajë pjesën tjetër të dënimit në shtëpi, pas një vendimi të gjykatës.
Sarkozi u shpreh për gjykatën se tre javët e tij në burg ishin përjetuar si një përvojë e rëndë dhe e lodhshme, ndërsa paraqitja e tij u bë përmes video-lidhjes nga burgu. Ai ishte futur në burgun La Santé të Parisit më 21 tetor, pas një vendimi që e dënoi me pesë vjet për konspiracion kriminal lidhur me marrjen e fondeve për fushatën e tij presidenciale të vitit 2007 nga regjimi libian i Muamar Gadafit. Sarkozy mohon kryerjen e ndonjë shkeljeje dhe ka apeluar vendimin, me një gjyq të ri të planifikuar për pranverën e ardhshme.
Fillimisht, gjyqtarët kërkuan që ai të qëndronte në burg për shkak të rëndësisë së çështjes, por më pas një gjykatë apeli miratoi lirimin e tij, duke lejuar që pjesa e mbetur e dënimit të kryhet në shtëpi nën kontrolle strikte. Ndër kushtet e lirimit përfshihet ndalimi për të kontaktuar zyrtarë të ministrisë së drejtësisë, si dhe ndalesa për t’u kontaktuar me të tjerë të përfshirë në rast dhe për të lënë Francën. /Gjurmuesi/
