Një incident serioz është regjistruar mbrëmjen e së premtes në fshatin Medvec, në komunën e Lipjanit, ku një qytetar është përballur me një situatë kërcënuese që dyshohet të ketë qenë tentativë grabitjeje.
Sipas informatave nga policia, viktima ka deklaruar se është përballur me një person të dyshuar, i cili kishte mbuluar kokën me shall dhe mbante në dorë një sëpatë. I dyshuari i kishte kërkuar që t’ia dorëzonte të gjitha paratë që kishte me vete.
Bëhet e ditur se viktima ka arritur të largohet nga vendi i ngjarjes, duke shmangur grabitjen, ndërsa i dyshuari është larguar në drejtim të panjohur.
Rasti është iniciuar si “grabitje në tentativë” dhe po hetohet nga organet e rendit.
