Lirimi me kusht i Isni Kilajt nga Gjykata Speciale ka ngjallur reagime pozitive nga Organizata e Veteranëve të Luftës së UÇK-së, të cilët e konsiderojnë këtë vendim si një rikthim të së drejtës që i është mohuar padrejtësisht Kilajt dhe bashkëluftëtarëve të tjerë që po mbahen në Hagë.
Në një reagim, veteranët theksuan: “Ky vendim rikthen një të drejtë të tij që i është mohuar padrejtësisht për një kohë të gjatë, njësoj siç po vazhdon të mohohet edhe për bashkëluftëtarët e tjerë që mbahen ende në paraburgim”.
Ata gjithashtu shtuan: “Për ne, ky zhvillim përbën një hap drejt reflektimit të domosdoshëm nga ana e kësaj gjykate, e cila deri më tani ka refuzuar të respektojë të drejta të garantuara me ligjet dhe Kushtetutën e Republikës së Kosovës”.
Isni Kilaj u lirua sot me kusht nga Specialja nën dorëzaninë prej 40 mijë eurosh. /Gjurmuesi/
