Kryeministri i Kosovës, Albin Kurti, ka kujtuar tragjedinë e ndodhur 28 vite më parë, kur Bacë Sheremet Sejdiu u përball me humbjen e katër djemve të tij pas masakrës së forcave serbe në fshatrat Likoshan dhe Qirez.
Kurti nënvizoi se dokumentimi i krimeve të luftës, krimeve kundër njerëzimit dhe gjenocidit të kryer nga Serbia mbetet një detyrë shtetërore, duke garantuar që e vërteta të mos fshihet me kalimin e kohës. “Dëshmia e tij tashmë është regjistruar zyrtarisht nga Instituti për Krimet e Kryera gjatë Luftës në Kosovë (IKKL). Ajo është pjesë e arkivit shtetëror, e historisë sonë kolektive dhe e së vërtetës që i takon Republikës”, shkroi Kurti.
Ai theksoi gjithashtu zotimin institucional për të mos harruar dhe për të kërkuar drejtësi për viktimat e Likoshanit dhe Qirezit, duke e konsideruar këtë hap si një parakusht për paqen e qëndrueshme në vend.
