Kafeja është pjesë e pandashme e rutinës së përditshme për shumë njerëz, sidomos në orët e para të mëngjesit. Ajo lidhet me një sërë përfitimesh shëndetësore, përfshirë uljen e rrezikut nga kanceri, demenca, diabeti si dhe mbrojtjen nga mbipesha.
Megjithatë, jo në çdo situatë konsumimi i saj është i këshillueshëm. Ka raste të caktuara kur kafeja mund të ndikojë negativisht në organizëm.
Shikoni se cilat janë ato:
- Nëse jeni të shqetësuar
Kafeina stimulon çlirimin e kortizolit – hormonit të stresit – dhe adrenalinës, duke shkaktuar rritje të presionit të gjakut dhe të rrahjeve të zemrës. Konsumimi i kafeinës mbi 2000 mg mund të çojë në pagjumësi, dridhje, frymëmarrje të shpejtë, nivele të larta stresi, presion të lartë të gjakut dhe nervozizëm.
- Kur kafeja është e nxehtë
Sipas Organizata Botërore e Shëndetësisë, pirja e kafesë dhe pijeve shumë të nxehta në përgjithësi rrit rrezikun e kancerit të ezofagut. Edhe nëse jeni me nxitim për të shijuar kafenë e sapopërgatitur, rekomandohet të mos konsumohet shumë e nxehtë.
- Kur ndiheni të përgjumur
Edhe pse kafeja ndihmon për zgjim, studimet tregojnë se kafeina humbet efektin e saj te personat që flenë më pak se sa ka nevojë trupi i tyre. Nëse ndjeni rënie të energjisë, në vend të një filxhani tjetër kafeje, mund të jetë më e dobishme të bëni një sy gjumë për disa minuta.
