Prishtina po përgatitet për përmirësime të mëdha në ndriçimin e saj publik, me projektin e implementimit të ndriçimit smart në të gjithë qytetin.
Fatlinda Bajrami, zëvendësdrejtoresha e shërbimeve publike në Prishtinë, ka dhënë detaje rreth këtij projekti gjatë emisionit “Fol me Arin”. Ajo theksoi se ndriçimi smart pritet të përfshijë gjithë territorin e kryeqytetit.
“Projekti është trevjeçar, por ne kemi punuar me intensitet të lartë, dhe pritet të përfundojë në mes të vitit të ardhshëm”, tha Bajrami, duke shpjeguar progresin dhe afatet e zbatimit të tij. /Gjurmuesi/
