Një incident i rëndë ka ndodhur të premten në rrugën “Faruk Rama” në Prishtinë, ku dy punëtorë u aksidentuan gjatë punimeve, duke rezultuar me një viktimë dhe një të lënduar.
Personi i plagosur është dërguar menjëherë për trajtim mjekësor, ndërsa viktima ka ndërruar jetë në vend, konfirmuar nga ekipi emergjent.
Njoftimi i Policisë:
Rreth orës 17:00 kemi pranuar informatën se dy persona janë lënduar derisa ishin duke punuar, në rrugën Faruk Rama në Prishtinë.
Si pasojë e lëndimeve, njëri nga personat ka ndërruar jetë.
Vdekja e tij është konstatuar nga ekipi i mjekëve emergjent në vendin e ngjarjes, ndërkohë që personi tjetër i lënduar është dërguar për tretman mjekësor.
Aktualisht policia në koordinim me inspektorët e punës dhe prokurorinë, kanë nisur hetimin e rrethanave që karakterizojnë rastin.
/Gjurmuesi/
