Kryekuvendarja Albulena Haxhiu ka zhvilluar një takim me ministren për Evropën dhe Punët e Jashtme të Shqipërisë, Elisa Spiropali, ku në fokus ishte thellimi i bashkëpunimit mes dy vendeve.
Përmes një njoftimi, zyra për media ka bërë të ditura detaje nga ky takim, duke vënë theksin te koordinimi institucional dhe angazhimi i përbashkët në çështje me interes për Kosovën dhe Shqipërinë.
“Në këtë takim u fol për bashkëpunimin e ngushtë mes Kosovës dhe Shqipërisë dhe rolin e rëndësishëm të institucioneve të të dyja vendeve në avancimin e interesave të përbashkëta”.
“Bashkëpunimi dhe përkrahja e ndërsjellë mbeten qendrore për zhvillimin tonë të përbashkët dhe për mirëqenien e qytetarëve tanë”.
