Një ngjarje e rëndë është regjistruar këtë të premte në fshatin Llapçevë të Malishevës, ku një burrë 43-vjeçar është gjetur pa shenja jete brenda një objekti banimi.
Lajmin e ka konfirmuar zëdhënësja e Policisë për rajonin e Gjakovës, Vlera Krasniqi, e cila bëri të ditur se në vendin e ngjarjes kanë dalë njësitë përkatëse policore dhe ekipi mjekësor.
Sipas saj, mjekët kanë konstatuar vdekjen e viktimës në vendngjarje.
“Njësitë relevante të policisë dhe ekipi mjekësor kanë dalë në vendin e ngjarjes, ku është konstatuar vdekja e viktimës dhe po ashtu është gjetur një armë e shkurtër. Lidhur me këtë rast është njoftuar dhe prokurori i shtetit ku me urdhër të tij është iniciuar rast ‘Hetim i vdekjes’ dhe trupi i viktimës është dërguar në IML”, tha Krasni
