Kafja turke vazhdon të jetë ndër zgjedhjet më të zakonshme të mëngjesit për shumë njerëz, jo vetëm për shijen karakteristike, por edhe për efektet pozitive që i sjell trupit. Konsumimi i saj i rregullt mund të ndikojë në disa procese të rëndësishme shëndetësore.
Një nga avantazhet kryesore është se kjo pije ka shumë pak kalori. Nëse konsumohet e zezë, pa sheqer apo qumësht, një filxhan kafe përmban rreth 5 kalori dhe asnjë gram sheqer. Çdo shtesë e ëmbëlsuesve apo qumështit e ndryshon këtë bilanc, duke rritur sasinë kalorike.
Kafeina e pranishme te kafja turke njihet për aftësinë e saj për të përshpejtuar metabolizmin. Studimet tregojnë se konsumimi i kafes së zezë mund ta rrisë ritmin metabolik deri në 11%, një efekt që dobësohet nëse i shtohen përbërës shtesë si qumështi apo sheqeri.
Kjo pije njihet gjithashtu si diuretik natyral. Shumë njerëz e vërejnë se pas konsumimit të kafes kanë nevojë më shpesh të vizitojnë tualetin, dhe kjo është plotësisht normale. Kafja ndihmon në eliminimin e toksinave të panevojshme nga trupi përmes urinimit.
Përfitimi tjetër që theksohet nga hulumtimet shkencore lidhet me uljen e rrezikut të disa llojeve të kancerit. Përbërësit aktivë në kafe ndikojnë në kontrollimin e rritjes së qelizave dhe mund të ndihmojnë në ngadalësimin e zhvillimit të qelizave kanceroze, veçanërisht atyre të mëlçisë. /Gjurmuesi/
