Një befasi e madhe e priti një burrë nga Karolina e Jugut, i cili fitoi 500 mijë dollarë vetëm nga një biletë lotarie që ia kishte blerë vetes si dhuratë ditëlindjeje.
Ai tregoi se një ditë pas ditëlindjes së tij kishte dalë me një mik dhe vendosi t’i blinte vetes një biletë lotarie. Për ta gërvishtur, ia dha shokut të tij, por sapo shoku filloi të qeshte, ai duhej të ndalonte automjetin për të kuptuar se çfarë kishte ndodhur.
Rezultati ishte fantastik: bileta ishte fituese dhe ia solli atij 500,000 dollarë. “Tani kam më shumë mundësi,” tha fituesi, duke shprehur gëzimin e tij për fatin e papritur. /Gjurmuesi/
