Në Prishtinë është zhvilluar një konferencë ndërkombëtare ku u diskutua për rëndësinë e një gjykimi të drejtë në proceset e Gjykatës Speciale, teksa katërshja e ish-krerëve të UÇK-së po pret aktgjykimin përfundimtar.
Pjesëmarrësit theksuan nevojën për drejtësi të barabartë dhe proces transparent, duke vënë theksin te respektimi i të drejtave të të akuzuarve dhe standardet ndërkombëtare të gjykimit, raporton Klan Kosova.
Në debat u ngrit edhe çështja e përgjegjësisë historike dhe nevoja që shtetet të pranojnë gabimet e së kaluarës, si bazë për ndërtimin e një të ardhmeje më të qëndrueshme dhe më të sigurt.
