Një burrë nga Minesota ka tentuar të thyejë rekordin botëror Guinness për kohën më të shpejtë në ngrënien e një kaushi akulloreje prej 130 gramësh gjatë vizitës së tij në Irlandë. Përpjekja u zhvillua në dyqanin e njohur të akullores, Teddy’s, në Dun Laoghaire.
James Clark, banor i Spring Lake Park, synoi të thyejë rekordin ekzistues prej 24.97 sekondash. Dyqani publikoi në Facebook një video ku shihet kaushi i akullores duke u peshuar para se Clark të fillonte përpjekjen e tij.
Pamjet tregojnë se Clark përfundoi ngrënien e akullores në 24.72 sekonda, duke u dukur se kishte kapërcyer rekordin, megjithëse rezultatet duhet të verifikohen dhe të certifikohen nga Guinness. Nëse provohet, kjo do të ishte titulli i 35-të i Clark në rekordet botërore Guinness. /Gjurmuesi/
