Ambasadori i Bashkimit Evropian në Kosovë, Aivo Orav, zhvilloi një takim lamtumirës me kryediplomatin Glauk Konjufca, ku u diskutuan çështje kyçe për integrimin e Kosovës në BE.
Gjatë bisedës u fol për Planin e Rritjes, Procesin e Berlinit dhe rëndësinë e strukturave të forta koordinuese të Kosovës në çështjet që lidhen me BE-në. Orav gjithashtu theksoi mbështetjen e vazhdueshme të Bashkimit Evropian për Ukrainën dhe rolin e vendit tonë në këtë kontekst.
“Rëndësia e strukturës së fortë koordinuese të Kosovës për çështjet që lidhen me integrimin në BE, Plani i Rritjes, Procesi i Berlinit si dhe mbështetja e vazhdueshme për Ukrainën, ishin ndër temat e diskutuara në takimin tim të lamtumirës me ministrin Glauk Konjufca. BE-ja qëndron në anën tuaj!”, deklaroi Orav.
