Bayern Munich ka rikthyer në radar emrin e sulmuesit kosovar Fisnik Asllani, i cili po kalon një sezon të mirë me TSG Hoffenheim. Kampioni gjerman po analizon opsionet për repartin ofensiv dhe 23-vjeçari konsiderohet si një mundësi konkrete për të forcuar skuadrën.
Sipas “Fichajes”, drejtuesit bavarezë janë në kërkim të një qendërsulmuesi që mund t’i ofrojë pushim Harry Kane, pa e zbehur potencialin sulmues të ekipit. Në këtë kontekst, Asllani vlerësohet si një zgjidhje e përshtatshme për të ruajtur balancën dhe konkurrencën në repartin e avancuar.
Reprezentuesi i Kosovës ka lënë gjurmë këtë edicion, duke realizuar 8 gola dhe duke dhënë 7 asistime në 23 paraqitje zyrtare.
Sulmuesi ka kontratë të vlefshme deri në vitin 2029, ndërsa klauzola e lirimit të tij raportohet të jetë rreth 30 milionë euro. Për Bayernin, ai shihet si një investim me perspektivë afatgjatë për të ardhmen e sulmit.
