Wall Street Journal, duke cituar burime amerikane, ka zbuluar se Izraeli ngriti një bazë të fshehtë ushtarake në shkretëtirën irakiane para shpërthimit të luftës me Iranin, me qëllim sigurimin e mbulimit ajror për operacionet e tij.
Ky veprim erdhi shkurtin e kaluar, me bazën në provincën Anbar që strehonte forca speciale dhe njësi izraelite të kërkim-shpëtimit, të ngritura për t’u marrë me rrëzimin e mundshëm të avionëve luftarakë brenda Iranit, shkruan Euronews, transmeton Klankosova.tv.
Sipas raportit, Tel Avivi ofroi shërbimet e objektit të tij sekret pasi një avion luftarak amerikan F-15 u rrëzua pranë Isfahanit, por forcat amerikane refuzuan dhe kryen shpëtimin e pilotëve në mënyrë të pavarur, ndërsa Izraeli kreu sulme ajrore paralele për të siguruar zonën.
Si u zbulua baza?
Çuditërisht, baza nuk u zbulua nga agjencitë irakiane të sigurisë, por nga një bari në zonë i cili vuri re një aktivitet të pazakontë ushtarak, duke përfshirë lëvizjet e helikopterëve dhe të shtënat me armë zjarri, dhe e raportoi atë, duke i shtyrë forcat irakiane të nisnin një hetim urgjent.
Megjithatë, Izraeli veproi shpejt dhe kreu sulme intensive që lanë të vdekur një ushtar irakian.
