Arsenal arriti të siguronte vendin e tij në gjysmëfinale të Kupës EFL pas një përballjeje dramatike me Crystal Palace, që u vendos me penallti. Pas kohës së rregullt, e cila përfundoi 1:1, “Topçinjtë” triumfuan 8:7 në gjuajtjet e penalltive, me portierin Kepa Arrizabalaga që u bë hero duke pritur penalltinë vendimtare.
Figura tragjike e ndeshjes ishte Lacroix, i cili humbi penalltinë e fundit pas një autogoli, duke bërë që fitorja të binte në favor të Arsenalit. Trajneri Mikel Arteta komentoi pas ndeshjes: “Jam i lumtur që jemi në gjysmëfinale. Jam i lumtur me atë që treguam kundër një ekipi të shkëlqyer, ata janë të organizuar dhe krijojnë shumë raste. Ne ishim të qetë dhe të saktë në gjuajtjet e penalltive, dhe jam shumë i lumtur për Kepën, i cili shpëtoi penalltinë vendimtare.”
Shorti i gjysmëfinales vendosi që Arsenal të përballet me Chelsean në një derbi londinez. Ndeshja e parë do të zhvillohet të mërkurën, më 14 janar 2026, në Stamford Bridge në orën 20:00, ndërsa ndeshja e kthimit është caktuar për të martën, më 3 shkurt 2026, në Emirates, gjithashtu në orën 20:00.
Ky sukses i Arsenalit vjen pas një drame të jashtëzakonshme dhe konfirmon se “Topçinjtë” janë gati për përballjen emocionuese kundër rivalëve të qytetit në gjysmëfinale.
