Një incident i rëndë është shënuar në Drenas, ku një person ka përfunduar në pranga pasi dyshohet se ka ushtruar dhunë ndaj një mjekeje brenda ambienteve shëndetësore. Ngjarja ka ndodhur në momentin kur i dyshuari po merrte trajtim mjekësor.
Sipas njoftimit të Policisë së Kosovës, i dyshuari, mashkull kosovar, kishte kërkuar ndihmë mjekësore lidhur me një rast dhune në familje. Gjatë procedurës së trajtimit, ai ka sulmuar fizikisht mjeken.
Rasti është duke u trajtuar nga organet kompetente dhe ndodhet në procedurë hetimore, ndërsa autoritetet po punojnë për zbardhjen e plotë të rrethanave të ngjarjes.
“Gllogoc / 14.02.2026 – 17:15. Është arrestuar i dyshuari mashkull kosovar pasi që i njëjti në një rast dhunë në familje kishte kërkuar trajtimi mjekësor dhe gjatë trajtimit mjekësorë ka sulmuar fizikisht doktorin, viktimën f/k. Me vendim të prokurorit i dyshuari është dërguar në mbajtje. Rastin është në procedurë hetimore”, njofton Policia.
