Një aksident trafiku ka ndodhur sot në rrugën “Jusuf Gërvalla” në Prishtinë, ku janë përfshirë katër automjete dhe si pasojë kanë mbetur të lënduar shtatë persona.
Rastin e ka konfirmuar zëdhënësja e Policisë për Rajonin e Prishtinës, Flora Ahmeti, e cila bëri të ditur se të lënduarit kanë marrë trajtim mjekësor.
“Personave të lënduar u është ofruar trajtim mjekësor, ndërkohë që me rastin po merret Njësiti i Trafikut Rajonal”, tha Ahmeti.
