Aleanca Kosova e Re ka vendosur të marrë pjesë në zgjedhjet e 28 dhjetorit duke u bashkuar me listën e Lidhjes Demokratike të Kosovës.
Kryetari i AKR-së, Vesel Makolli, konfirmoi lajmin dhe bëri të ditur se sot është takuar me kreun e LDK-së, Lumir Abdixhiku. Ai shtoi se nënshkrimi i marrëveshjes do të bëhet në një ceremoni të planifikuar për të martën e ardhshme.
“Po është e vërtetë, unë sot pasdite kisha takim me z. Abdixhiku, ku u morëm vesh të jemi pjesë e listës së tyre. Vendimin e kemi marrë pas përsiatjeve të situatës aktuale politike dhe pas sugjerimeve të presidentit tonë z. Behgjet Pacolli. Nënshkrimin e marrëveshjes do ta bëjmë në mënyrë ceremoniale të martën e ardhshme, deri atëherë do të merremi vesh për detajet e marrëveshjes”, tha Makolli. /Gjurmuesi/
