Një incident është regjistruar gjatë një ndeshjeje futbolli të zhvilluar në stadiumin e qytetit në Shtime, ku situata ka dalë jashtë kontrollit mes disa shikuesve.
Si pasojë e përleshjes që ndodhi në takimin mes Vjosës dhe Vushtrrisë, policia ka ndërhyrë në vendngjarje dhe ka arrestuar dy persona të dyshuar për përfshirje në rrahje.
Lidhur me rastin është deklaruar zëdhënësi i policisë për rajonin e Ferizajt, Kanun Veseli.
“Ju njoftojmë se rreth orës 15:10 është policia në Shtime është ka intervenuar në stadiumin e qytetit në Shtime, pasi kishte filluar një përleshje mes shikuesve dhe janë arrestuar dy persona të dyshuar për përfshirje në rrahje. Janë intervistuar edhe disa persona të tjerë në cilësinë e dëshmitarëve. Për veprimet e policisë është njoftuar prokurori i shtetit”.
Përveç të arrestuarve, disa persona të tjerë janë intervistuar në cilësinë e dëshmitarëve, ndërsa për rastin janë njoftuar organet kompetente.
