Një ndalesë e zakonshme për të blerë ushqim është kthyer në një moment që i ndryshoi jetën një burri, i cili pa e planifikuar përfundoi duke fituar një shumë marramendëse në lotari.
Një burrë nga Maryland ndaloi në një dyqan ushqimor për të blerë pulë dhe përfundoi duke blerë një biletë lotarie që i fitoi një çmim prej 1 milion dollarësh.
Lojtari tregoi se u ndal në një dyqan në Rock Spring Road në Forest Hill për të blerë ushqim dhe, ndërsa po e shijonte vaktin e tij, vendosi të blejë dy bileta lotarie.
Fillimisht, ato bileta i sollën një fitim prej 50 dollarësh, të cilat ai i përdori për të blerë edhe dy bileta të tjera — duke fituar sërish 50 dollarë.
I motivuar nga këto fitime të vogla, ai vendosi të blejë edhe një biletë tjetër, e cila rezultoi fituese e çmimit të madh prej 1 milion dollarësh.
“Isha i shokuar”, tha ai.
“Në fillim mendova se ishin 1,000 dollarë, por kur shikova më nga afër, kuptova se ishin 1 milion dollarë. Dola nga dyqani duke qeshur dhe me nxitim. Madje lashë edhe ushqimin sepse isha shumë i lumtur. Vrapova drejt veturës për të thirrur fëmijët e mi”, deklaroi burri.
Fituesi bëri të ditur se paratë e fituara do t’i përdorë për t’i kursyer për fëmijët e tij.
