Një rast i dyshuar i neglizhencës prindërore është evidentuar në Lipjan, pasi një i mitur ka përfunduar në gjendje të rënduar shëndetësore dhe është dërguar për trajtim në Qendrën Klinike Universitare të Kosovës në Prishtinë.
Sipas raportit policor, fëmija është paraqitur në gjendje jo të mirë shëndetësore, për çka dyshohet se ka ardhur si pasojë e mungesës së trajtimit të duhur nga prindërit e tij.
Autoritetet kanë reaguar menjëherë në lidhje me rastin, duke arrestuar të dy prindërit nën dyshimin për neglizhencë. Pas intervistimit, me vendim të prokurorit, ata janë dërguar në mbajtje.
