Pas disa ditësh kërkimesh, është gjetur pa shenja jete Alush Kastrati, 80 vjeç, nga fshati Zatriq i Rahovecit. Ai ishte raportuar i zhdukur që nga data 7 mars, ndërsa familjarët dhe autoritetet kishin nisur kërkimet për gjetjen e tij.
Sipas informacioneve të bëra të ditura nga policia, trupi i pajetë i të moshuarit është gjetur disa kilometra larg fshatit Zatriq.
Për rastin, policia ka dhënë detaje përmes një komunikate për media.
“Trupi i gjetur, bazuar në përshkrimet dhe të dhënat e njohura, dyshohet të jetë i personit të raportuar si i zhdukur në këtë rast. Në vendin e ngjarjes kanë dalë njësitet përkatëse policore dhe në koordinim me prokurorin e shtetit janë duke ndërmarrë veprimet e nevojshme hetimore dhe procedurale”, thuhet në njoftimin e policisë.
