Mbrëmjen e së dielës, eskorta e kryeministrit të Kosovës, Albin Kurti, u pa duke u kthyer nga Skenderaj, pas një vizite në Prekaz. Ai konfirmoi për mediat se kishte takuar Rifat Jashari.
Kryeministri tha se gjatë vizitës ka diskutuar me Jasharin për zhvillimet e fundit politike dhe çështje të tjera me rëndësi. “Po, kam qenë mbrëmë te baca Rifat. Kur u takuam për festimet e 18-vjetorit të Pavarësisë, menduam se do të kishim mundësi të qëndronim bashkë, pasi nuk jemi parë prej kohësh. Nuk ishte një vizitë e zakonshme, por shkuam atje dhe biseduam për zhvillimet politike dhe shumë çështje të tjera. Megjithatë, zgjidhja mbetet mes këtyre tri subjekteve politike”, deklaroi Kurti.
