Ish-ministri i Jashtëm dhe deputeti i PDK-së, Enver Hoxhaj, ka udhëtuar drejt Gjermanisë për të marrë pjesë në edicionin e 62-të të Konferencës së Sigurisë në Mynih (MSC), një nga forumet më të rëndësishme ndërkombëtare për çështjet e sigurisë.
Hoxhaj e ka bërë të ditur këtë përmes një videoje të publikuar në rrjetin social Facebook, në faqen e tij zyrtare, ku shihet duke udhëtuar me tren për në Mynih. Në përshkrimin e videos, ai ka konfirmuar se është nisur për të marrë pjesë në Konferencën e Sigurisë në Mynih.
Pjesëmarrja e tij në këtë ngjarje ndërkombëtare është e përvitshme. Dy vite më parë, në të njëjtën konferencë, ai kishte zhvilluar takim edhe me Zëvendëspresidentin amerikan, JD Vance.
