Me rastin e 18-vjetorit të Pavarësisë së Republikës së Kosovës, Ansambli Kombëtar i Këngëve dhe Valleve “Shota” ka përgatitur një sërë aktivitetesh artistike, duke e vënë në qendër trashëgiminë kulturore, traditën dhe vlerat kombëtare.
Në kuadër të këtyre aktiviteteve, nga sot e deri më 9 shkurt 2026, në ambientet e Ansamblit “Shota” po zhvillohet programi edukativo-argëtues me nxënës, i cili synon afrimin e gjeneratave të reja me artin dhe folklorin shqiptar.
Më 16 shkurt, duke filluar nga ora 19:00, do të mbahet koncerti festiv në Shtëpinë e Kulturës “Xhemali Berisha” në Prizren, ndërsa më 17 shkurt do të organizohet një program i veçantë artistik për shënimin e Ditës së Pavarësisë së Kosovës.
Ansambli “Shota” vazhdon të luajë një rol të rëndësishëm në festimet kombëtare, duke përcjellë përmes artit mesazhe të lirisë, unitetit dhe identitetit shqiptar.
