Presidentja e Kosovës, Vjosa Osmani, ka pritur sot në takim presidenten e Komisionit Evropian, Ursula von der Leyen, e cila po qëndron për vizitë zyrtare në Kosovë.
Takimi po mbahet në objektin e Presidencës, ndërsa mediat janë lejuar të marrin pamje vetëm në fillim të takimit.
Pas këtij takimi, Von der Leyen pritet të zhvillojë një takim edhe me kryeministrin në detyrë, Albin Kurti, në Kuvendin e Kosovës.
Vizita e saj në Prishtinë vjen pas ndalesës që pati më herët në Serbi, në kuadër të turit të saj në vendet e Ballkanit Perëndimor. /Gjurmuesi/
